جمال بس............ بدون مبارك
الموضة فى كل بلاد العالم بتتغير كل سنة الا فى مصر الموضة تعد كام سنة كده , يعنى كام سنة الموضة "تدين" وكام سنة الموضة "مخدرات" وكام سنة الموضة " ارهاب " الموضة باه الكام سنة دية " السياسة " وطبعا لآننا مختلفين فى كل حاجة السياسة فى مصر يعنى "التوريث " اى موضوع سياسى يااما يبدا بالتوريث, يااما ينتهى بالتوريث ومفيش مانع لو فى النص كام حتة توريث بردوا ميضرش .
كل من هب ودب بأه محلل سياسى وتحول الشعب المصرى كلة بقدرة قادر الى شندى الفلكى واحد يقولى مين شندى الفلكى ده ؟ ده بتاع الابراج الى كان بيكتب حظك اليوم فى الاهرام .
الكل بيتكهن بالبهاريز بتاع طبخة التوريث الى بتتطبخ فى دهاليز المطبخ الوطنى . والحقيقة ان مافيش توريث !!!!! واذا تخيل الشعب المصرى ان جمال مبارك هيورث الحكم بدون اى شرعية يبقى المصريين خانهم ذكاءهم , ده اذا كان فية ذكاء اصلا . لان جمال اذكى من انة يكون مبارك 2
خلينا نسأل هو اية عيب جمال مبارك ؟؟؟؟؟؟
جمال متعلم ,متفتح وشارب من كعانه سياسة ولكن عيبة انة مبارك يعنى لو كان ده جمال اى حاجة تانية غير مبارك كان يمكن حد يسمعة اويحاول يفهم وجهة نظره ويمكن كان يبقى بطل كمان لانه قدر يقف فى وش النظام القديم وتقديم افكار جديدة بس طبعا لانه مبارك لازم يكون فية شبة خيانة وتوريث الخ......... .
وطبعا لان المصريين يفتقروا الى بعد النظر وبيبصوا لظاهر الامور بس, فاكرين ان جمال بيلعب مع حسنى كل يوم سكواش وملهمش سيرة غير طبخة توريث الحكم وعلى البيعه الشعب المصرى.
من وجه نظرى المتواضعة اظن الحقيقة مش كده خالص جمال مبارك بيواجه عداء من نظام مبارك اكتر من العداء الى بيواجه من الشعب المصرى نفسة وحتى لو قدر يحقق اغنية مدحت صالح فى سكة الهلالى (عايشين فى حرية زمن القيود انتهى , واللحمة بسبعة جنية الخ......) على فكرة حلوة جدا الكلمات واللحن كمان ما علينا نرجع لى موضوعنا حتى لو قدر يحقق خطوات كبيرة فى الاصلاح محدش هيعجبوا برضوا عرفين لية لانة مبارك .........
ممكن يكون الاب حرامى و ابنة يطلع ضابط , وممكن يكون الاب دكتور وابنة يطلع بيتاجر بأعضاء البشر ,يعنى الموضوع دة مفيش فية قاعدة ممكن نحتكم عليها واذا كان فى حد اعلى نجم جمال مبارك فى الساحة السياسية يبقى المعرضة اكتر منها الحكومة .عارفين لية لان المعارضة زهقتنا توريث وزهقتنا اكتشاف خطط الحكومة للتوريث طيب لما انتوا عباقرة وفهمين كدة عملتوا اية ؟ فى حد ظهر فى الصوره ينفع يكون مرشح للرئاسة, فى حد حاول ؟؟؟؟؟ لا......... كله هتفات واعترضات ولا لمبارك ولا لجمال مبارك طيب نعم لمين ؟؟؟؟؟ هوا دة الكلام المهم .
على الاقل جمال نشيط وبيحاول وحط 100 خط تحت بيحاول لان الحقيقة مافيش حد بيحاول غيرة فى حين ان الموجدين على الساحة لبسين طرح وعقدين يولولو ....... يا لهوى ياخويا يالهوى .......على مصر الى هتروح فطيس
انا مش بدافع عن جمال مبارك ولا بجزم ان نوياه حسنة, انا بدعوا المصرين الى هدنة من فكرة التوريث دية ويبصوا لجمال على انة مرشح زى اى مرشح تانى ونشوف اية الى ممكن يعملة ؟؟؟ عجبنا كان بها معجبناش يفتح الله . الدعوة هنا مش دعاية لجمال مبارك وانما للتفكير بموضوعية فى مستقبلنا لان جمال مبارك مش هيغتصب حق المصريين فى الاختيار, المصريين هما الى هيتنزلوا عن الحق ده لو كملنا على نفس الطريق .وماتنسوش ان جمال مبارك كان موجود يوم اغتيال الرئيس السادات يعنى شاف بعينة المصريين لما بيطفح بيهم الكيل ممكن يعملوا اية
طبعا كتير هيقولولى هو مفيش غير جمال مبارك يعنى ........ لا فية كتير احسن من جمال مبارك بس هما فين ؟؟؟؟ الى يخاف مينفعش والى ينفع ما يخفش
كل من هب ودب بأه محلل سياسى وتحول الشعب المصرى كلة بقدرة قادر الى شندى الفلكى واحد يقولى مين شندى الفلكى ده ؟ ده بتاع الابراج الى كان بيكتب حظك اليوم فى الاهرام .
الكل بيتكهن بالبهاريز بتاع طبخة التوريث الى بتتطبخ فى دهاليز المطبخ الوطنى . والحقيقة ان مافيش توريث !!!!! واذا تخيل الشعب المصرى ان جمال مبارك هيورث الحكم بدون اى شرعية يبقى المصريين خانهم ذكاءهم , ده اذا كان فية ذكاء اصلا . لان جمال اذكى من انة يكون مبارك 2
خلينا نسأل هو اية عيب جمال مبارك ؟؟؟؟؟؟
جمال متعلم ,متفتح وشارب من كعانه سياسة ولكن عيبة انة مبارك يعنى لو كان ده جمال اى حاجة تانية غير مبارك كان يمكن حد يسمعة اويحاول يفهم وجهة نظره ويمكن كان يبقى بطل كمان لانه قدر يقف فى وش النظام القديم وتقديم افكار جديدة بس طبعا لانه مبارك لازم يكون فية شبة خيانة وتوريث الخ......... .
وطبعا لان المصريين يفتقروا الى بعد النظر وبيبصوا لظاهر الامور بس, فاكرين ان جمال بيلعب مع حسنى كل يوم سكواش وملهمش سيرة غير طبخة توريث الحكم وعلى البيعه الشعب المصرى.
من وجه نظرى المتواضعة اظن الحقيقة مش كده خالص جمال مبارك بيواجه عداء من نظام مبارك اكتر من العداء الى بيواجه من الشعب المصرى نفسة وحتى لو قدر يحقق اغنية مدحت صالح فى سكة الهلالى (عايشين فى حرية زمن القيود انتهى , واللحمة بسبعة جنية الخ......) على فكرة حلوة جدا الكلمات واللحن كمان ما علينا نرجع لى موضوعنا حتى لو قدر يحقق خطوات كبيرة فى الاصلاح محدش هيعجبوا برضوا عرفين لية لانة مبارك .........
ممكن يكون الاب حرامى و ابنة يطلع ضابط , وممكن يكون الاب دكتور وابنة يطلع بيتاجر بأعضاء البشر ,يعنى الموضوع دة مفيش فية قاعدة ممكن نحتكم عليها واذا كان فى حد اعلى نجم جمال مبارك فى الساحة السياسية يبقى المعرضة اكتر منها الحكومة .عارفين لية لان المعارضة زهقتنا توريث وزهقتنا اكتشاف خطط الحكومة للتوريث طيب لما انتوا عباقرة وفهمين كدة عملتوا اية ؟ فى حد ظهر فى الصوره ينفع يكون مرشح للرئاسة, فى حد حاول ؟؟؟؟؟ لا......... كله هتفات واعترضات ولا لمبارك ولا لجمال مبارك طيب نعم لمين ؟؟؟؟؟ هوا دة الكلام المهم .
على الاقل جمال نشيط وبيحاول وحط 100 خط تحت بيحاول لان الحقيقة مافيش حد بيحاول غيرة فى حين ان الموجدين على الساحة لبسين طرح وعقدين يولولو ....... يا لهوى ياخويا يالهوى .......على مصر الى هتروح فطيس
انا مش بدافع عن جمال مبارك ولا بجزم ان نوياه حسنة, انا بدعوا المصرين الى هدنة من فكرة التوريث دية ويبصوا لجمال على انة مرشح زى اى مرشح تانى ونشوف اية الى ممكن يعملة ؟؟؟ عجبنا كان بها معجبناش يفتح الله . الدعوة هنا مش دعاية لجمال مبارك وانما للتفكير بموضوعية فى مستقبلنا لان جمال مبارك مش هيغتصب حق المصريين فى الاختيار, المصريين هما الى هيتنزلوا عن الحق ده لو كملنا على نفس الطريق .وماتنسوش ان جمال مبارك كان موجود يوم اغتيال الرئيس السادات يعنى شاف بعينة المصريين لما بيطفح بيهم الكيل ممكن يعملوا اية
طبعا كتير هيقولولى هو مفيش غير جمال مبارك يعنى ........ لا فية كتير احسن من جمال مبارك بس هما فين ؟؟؟؟ الى يخاف مينفعش والى ينفع ما يخفش
احنا لسة بنحبى على طريق الديمقراطية والمثل بيقول الغاية تبرر الوسيلة ,المهم تحققيق اقصى انتفاع من الوسيلة لتحقيق تغيرات حقيقية فى الدستور وتغيرات ملموسه فى الحياه العامه
بصوا لجمال على انة جمال......... جمال بس بدون مبارك
posted by Horse Whispers at 1:16 PM
3 Comments:
شوف،
في السياسة، زي ما في القانون، الشكليات مهمة. يعني زي ما القاضي لازم يحكم ببرائة متهم لأن ما فيش أدلة عليه حتى لو هو متأكد أنه مذنب، كمان في السياسة ما ينفعش أن ابن الرئيس ال كل أجهزة الدولة (المشخصنة في أبوه) و إمكاناتها مسخره له يقول أنا عاوز أبقى رئيس. مش عدل و مش مقبول.
كونه متعلم و واخد شهاده مش معناه أنه رجل سياسة و لا أنه عنده رؤية و مشروع يطرحه و يناقش الشعب فيه.
حكاية أنه وقف في وش النظام القديم دي جزء من اللعبة ال هو بيحاول يصورهالك على أنه خاض الصعاب يا عيني و تعب و قاوم.
بذمتك كدا، واحد عمره ما مشي في الشارع على رجله هيعرف منين البلاوي ال في شوارعنا و حياة الناس ال فيها؟
احنا عاوزين حد "من الناس" ركب ميكروباصات في شبابه على الأقل، و ووقف في طوابير، و لعب مع عيال أفقر منه و أغنى منه و كان له أصحاب و انضرب في النادي أو مراكز الشباب، و اتثبت في الشارع و اتسرق، و وقفه أمين شرطه و اداله بالقلم على وشه من غير سبب، و راح مكاتب حكومية يقضي مصلحة، و استنى الأتوبيس، و خاف يسقط في الامتحان، و دوَّر على وظيفة، و جرب يدخن مخدرات، و قرا ميكي، و اشتغل في السياسة الحقيقية، سياسة القرية و الحي و النقابة و الاتحاد العمالي. من الآخر يكون "عاش عيشة المصريين"
مش واحد يجيي بعد كام سنة يقول لنا "أجيب لكم منين"..لأنه فاكر بروح امه أنه هو و حكومته الطراطير منحة إلهية للشعب أو "ولي أمرهم" و عليهم يحمدوا ربهم أنه "بيحاول و بيعمل ال عليه" علشان يأكلهم.
ما كل واحد بيعمل ال عليه، لكن دا "مش كفاية". *الموظف العام مش كفاية أنه يعمل ال عليه* لأن دا مفترض مبدئيا و مُسلِّم به و مفروغ منه. و مش علامة على التميز لأنه دا الحد الأدنى.
المطلوب منه يحقق نتائج أو يقعد في بيتهم و يقول "ما عرفتش" لأن فيه ألف غيره ممكن يتحملوا المسؤولية و ما حدش اتحايل عليه يهز طوله و يمَّن و يتحمل المسؤولية.
ألف اشكرك على التعليق وعلى فكرة ده اول تعليق على المدونة يعنى ليه معزه خاصه
انا معاك فى وجة نظراك بس عوزه اسئلك سؤال واحد ....... مش الرئيس مبارك كان من الناس" بردوا ؟؟؟؟؟؟؟ ركب ميكروباصات في شبابه على الأقل، و ووقف في طوابير، و لعب مع عيال أفقر منه و أغنى منه الخ...... ورغم كده ادى حالنا ...... يعنى موضوع واحد من الناس ده مبقاش الضمان المطلوب ...... ويمكن وضع جمال المتعارض مع كل المميزات الى احنا محتاجنها يكون ميزه مش عيب خصوصا انه مفروض انه مش محتاج باه
i totaly agree with you
Post a Comment
<< Home